在网上看到（作者为香港人，文笔用香港话）。大家看看。更新—藥到病除

ray-tan

新魚處理

新魚買回來,一定要處理好先落缸.
否則白點;UFO飛碟,毛菌帶入缸,
小則落藥或一兩條魚死亡.
大則反缸.
新回來的魚,先用高身桶打氣養定,
當魚有態時,可用PH8.0 同溫淡水浸身.
最好加幾滴 魚慱士 STRESS COAT.
浸魚一定要看守,不要行開或休息,有幾個魚友因睡著浸死魚例子.
如魚太緊張或呼吸急促便要立即停止.
幼魚,鰈魚,古B..等不浸也罷.浸死例子很多.
一般白點,UFO,3分鐘就KO.浸耐有害無益.
浸完淡水最好又放回先前水桶中休息.
當魚有態時可加甲基藍,或 TDC. 藥浴.
小心觀察2天,如無問題可用膠筲箕放入主缸.
訓1~2天食糧之後先放出.

ray-tan

反缸先兆


反缸是魚好地地3天內死8,9成.
反缸是養魚者好怕,主因死去都是貴同養熟有感情魚.
反缸其實有先兆,不過新手或經驗不足者,感覺唔到.
以下是反缸前情況,如你個缸有以下幾點,最好立即換一半水先.
1. 水面有泡,水有魚醒味.
2. 搶口魚突然無胃口.
3. 大魚在角不活躍.
4. 有魚吹水[口向出水口呼吸]
5. 開缸7~10月;近 2~3個月無大換水同吸沙.
6. 幾條魚有唔同小問題. (白點,發毛,蒙眼etc)

反缸有2個主因.
1. no3 po4 高,水質同no2突然變差.
或
2. 有細菌但用錯方法處理.

如可處理:
1. 不要亂用勁藥.[ eg.含銅剎菌水]
2. 開少量OZONE O3 .
3. 換一半新水.
4. 落少少prime / stress coat 保護魚只.
5. 打大氣.
6.換棉同瀘水材料.
當幾天後魚回復正常開口時.最好做一次大清潔同打沙換新水.

ray-tan

養魚態度


養魚人態度分好多種.
有些不學無術.養了幾年魚都唔俾d時間去了解.
有些以為金錢萬能,一味花錢買魚,但魚不斷死去.
有些緊張大師,有些闊佬賴理.
有不聞不問亦有每事問.

其實養魚最好一字言之[愛].
因愛魚而去學習點養魚, 用愛心去打理同對魚生命有愛心.

如可處理魚缸:
1. [功欲善其身,勿先利其器.] 不要祗花錢在魚身上,幾千蚊條魚但用最平價普通器材.
2. 不要亂用藥.不要當魚缸是你實驗室.
3 .定時換水換瀘材.
4. 落少少prime / stress coat 保護魚只.
5. 每日最好花半小時去觀賞同觀察.

ray-tan

魚舖用藥
1. 流酸銅.~對擦身,白點常用.用後有幾小時白霧色,大家買魚時小心啦.
2. 福爾馬林~燒旗,爆身或平時剎菌用.無色但有味.多用魚收口.
3. 黃粉~醫內傷或皮膚問題.色黃,
4. 甲基藍~浸魚,減山埃毒.
5. 秘藥~離不開,黃綠色,主要碘同孔雀石綠及富林抗生素.

ray-tan

魚類鑒別
在香港魚店,好多時有不同產地魚場來源.
有一些魚好難分別,紅海同東非紫月,紅海同馬代皇帝..etc.
產地不同亦有少少分別
皇帝:
賓記有劍,最粗紋,尾黃,咀突出
聖誕島底色寶藍,幼金線,尾橙紅色,身特別長.
馬代橙尾無針身體中型多.
印尼尾橙黃較早熟.最細3.5".但10"以上少見
紅海,似馬代但超高身,咀後直上,較四方型.
東非底色較藍,金線,橙尾,身材平均.

藍圈
賓記一般,藍底粗紋,高身.
聖誕島底色較藍,白線幼同少有圈,多馬蹄型.
印尼白線淡色,3"開始變,少有4"以上未變.
東非白線實色,6"未變都有.

藍面:
賓記大條但無印尼橙紅色.

金刀.
澳洲最金色,少5"以下.
其次東非返8"以上多.
賓記色最淡.2~3"都有.

北斗
賓記中間淡黃,咀更黃.
東非灰藍色尾好多細碎花點.
澳洲較墨綠,螢火藍點.

美國石美人
美國黃黑2 色但黑色越大條越多,上下旗少少紅色邊,
巴西黃黑各半,下鰭大紅邊較靚.

紫月.
台灣紫色色淡,型態條條不同,2"以上無白紋.
紅海超高身,紫藍5"以上無白紋.月教黃同大.
東非底色較紫,6~7"都有白線,,身材三角型.月深黃較細同化開.

ray-tan

網上真偽
好多人以為上網看資料最好..
實際網上因無管制,好多不正確資料充斥.
在網上好多唔同背景魚友,希望利用言論達到某些目的.
有些為名有些為利最衰係為自己權威.
亦有小圈子,一齊玩排外.當魚友討論一有不滿,群起而攻.
深資魚友好言反被圍攻而心淡退出.
亦有魚友,左抄右引經典發表另人文章,但又唔講出處.
好多魚友自己未試過醫魚方法就以訛傳訛.
最差仲有一班勇於發言.
不是分享經驗而是網上玩新魚友,仲樂在其中.

ray-tan

買魚經驗


買魚好講經驗
如何選擇一條高質數魚,如何知魚來地免被不法老闆呃.
一般新人要交好多學費先學會買到靚魚.
如想快些上手, 可請有多年經驗老手一同行魚店.
上幾課堂才易掌握到買魚要訣.
買魚經驗,書中亦有提供但無太詳細.
亦無圖片做比較,對新手是有些少困擾.
老生常談都是以下幾點:
1. 醒目.
2. 開口.
3. 色靚.
4. 身型正.等等........以上係人都知.
但有些經驗書中無提:
1. 不要買太靚色.原因有些魚死前色反常美麗.因它自己亦控制唔到膚色.
2. 不要買太活躍.原因有些魚死前在缸前不停左右游.是它想逃離缸水求生.
3. 不要買未甦醒,因剛落飛機,有部份是未醒魚,生存率低于70%.
4. 當然,有些魚一看便看到, 如吸鰓,面黑黑,游水時失去平衡,雙腳伸直游.撞玻璃不閃避.

ray-tan

養魚必需
"養魚最重要先養水.水得乜魚都養得."
三思而後才買魚，餵魚同用藥．
不要時時想加魚.由其是水靚少少時.
不要時時想餵肥d魚.食得多,水一定差.
落藥宜少不宜多, 如勁藥份量更要分開一日3次 ,早午,晚落就安全少少.
仲有好多人落藥後一天先換水, 其實落藥前換水仲好.
當魚好八,九成,就要落炭或吸銅棉去減低藥性.

死魚主因有3:
1. 魚是打死. 因買魚時唔諗舊魚是否合得來就買.
多是一回家對溫半小時就放出大缸.
俾舊魚打傷收口或身體弱傷口發炎就玩完.
2. 魚是玩死. 因魚友過份關心小心,又淡水十幾分鐘.
又甲基藍,tdc....雞尾酒法消毒.
少少問題又比正常份量多剎菌水(流酸銅).條魚被藥毒死多.
3. 水質差以為水OK, no3高, 消化菌及過濾又不足,PH低.....水溫高等.
一般舊魚可以生存,但新魚落缸2天就死.
當然有少數來港時本身有病及不能適應魚缸生活而死.

ray-tan

魚糧好壞
魚糧好壞分別好大,
好魚糧又香又搶食,仲好快見成效.
平魚糧有D染色素連水喉,背板都有少少上色.
魚多食會慢性中毒.
價錢由幾蚊至百幾蚊.
但是否越貴越好,又唔一定, 但貴糧就一定唔會太差.
以下幾只沉糧都是中價但口碑唔錯.
1. 太陽牌HIKARI. 黑高蘭金魚糧, 專食肥D魚.
2. 太陽牌HIKARI 海水魚糧, 食後出色.
3. NEW LIFE USA FORMULA 海水魚糧. 谷色專用.
4. NEW LIFE USA THERA A 去寄生蟲糧, 瘦魚食後轉肥.
5. TETRA 皇帝糧. 連神像都開口食.
6. 威龍 海蝦苗乾, 鰈魚,朱古力,大眼雞等開口食.
7. HBH USA SOFT. 蝦肉糧, 搶口．
8. HBH USA SOFT 蕖糧, 吊好鐘意食.

zzy19800408

学习了，学习了